Espazio funtzional, efiziente eta estetikoak sortzen

Arkitektura Judiziala

Arkitektura judizial modernoaren ardatza da esparru judizialean inplikatutako pertsonentzat (abokatuak, epaileak, akusatuak eta fiskalak, besteak beste) espazio funtzionalak sortzea. Izan ere, erabakigarria da erabiltzaileen beharrak aurreneko lekuan jartzea.

Gaur, arkitektura horren adibide bat aurkeztuko dugu: Segoviako Epaitegi berriak. 3 solairuko eraikin ikusgarri hori 13.000 m2-ko lursail batean dago, eta oinarri sendo baten gainean kontu handiz jarritakoak diruditen hiru bolumen geometriko handi ditu ezaugarri bereizgarri.

Zuzendaritza fakultatiboak estetika garaikidea eman dio. Lerro garbiak eta bolumenekin eta geometriarekin jolasten duen diseinua dira estetika horren ezaugarri bereizgarriak. Giro profesionala eta serioa sortzea da, hain zuen, bere helburua.

Guztira, 3.030 m2 fatxada estali dira Stoneo plakekin, fatxada aireztatuetarako eraikuntza soluzioarekin, alegia.

Bolumenak, geometria eta material nobleak

Iparraldeko 100 metro luzeko altxaera luzeari erreparatuz gero, kubo angeluzuzen formako 3 bolumen handi ikusten ditugu, errezel hormako leiho handien marko gisa. Leiho horiek xaflekin estalita daude, udako hilabeteetan gehiegi ez berotzeko.

Bolumenak ageriko hormigoiz proiektatu dira, eta Stoneo plakekin estalitako oinarri moduluaren gainean bermatzen dira emeki. Eraikinaren aurpegi hori zatikatzea izan da altxaera horrek eduki duen zailtasuna, aurpegi horretan leiho zulo ugari baitago. Fatxada bat gauzatzeko eta aldez aurretik planifikatzeko puntu kritikoetako bat izan ohi da. 

Eraikinaren barruan dituen 2 patio irekiak dira proiektu honen beste berezitasunetako bat. Hegoaldeko altxaeran kokatuta daude, fatxadarekiko perpendikularrak dira, eta kanporako irteera bat eskaintzen dute eraikinetik atera gabe. 

Bolumenak eta geometria funtsezko elementuak dira arkitekturan, eraikinen forma definitzen baitute eta diseinu koherenteak eta atseginak lortzeko funtsezkoak baitira.

Irtenbide arkitektoniko honi buruz edo beste bati buruz zerbait gehiago jakin nahi baduzu, jarri gurekin harremanetan

Kanpoaldea eta barrualdea hizkuntza berdinarekin, material berdinarekin

Proiektu honen beste ezaugarrietako bat da kanpoan eta barruan material berdina erabili dela. Gero eta gehiago dira aukera horren alde egiten duten arkitektura proiektuak.  Hall handietan egin dugu hori, edo sarrera ondoko eremuak estaltzeko. 

Epaitegi honetan, kanpoan instalatutako plaka berdinekin estali da patioak inguratzen dituzten bolumenen barruko aurpegia. Gainera, Stoneorekin estali dira barrualdeko elementu solteak . 

Arkitektura judizialeko proiektu honetarako, Pure gamaren testura arbeltsua aukeratu da, tonu zurian. Aukera dotorea, higiezinari akabera garbia eta estetikoki polita ematen diona. 

Labur esanda, Segoviako epaitegi berriak arkitekturako diseinu garaikidearen adibide nabarmena dira, eta orain espazio bikaina dira hirian justizia administratzeko.

 

LOOKBOOKA DESKARGATU

 

FITXA TEKNIKOA:

JUSTIZIA MINISTERIOAREN EPAITEGIEN ERAIKIN BERRIA. SEGOVIA.

Sustatzailea: Justizia Ministerioa

Proiektua eta obra zuzendaritza:

            UTE GIRA ARQUITECTOS SLP ABEEa +:

            Alberto Garcia Sanz

            Juan Rodriguez de Rivas Aguirre

            Exekuzio zuzendaritza: Rosana Muñoz Avila

Eraikuntza enpresa: Geoxa + Civisglobal

Arduradun teknikoak, Civisglobal: Gustavo Valladares, eta Geoxa: Angel Abril

Fatxada Aireztatua: 3.030 m2-ko fatxada aireztatua kanpoaldean eta 250 m-ko barne estaldura

Testura: Arbeltsua, Pure gama

Kolorea: Zuria M24

Kokalekua: Segovia

Eskatu informazioa/aurrekontu bat

Katalogoak

Fatxada aireztatuei buruzko txostena

Fatxada aireztatuei buruzko txostena

Deskargatu
Lookbooka

Lookbooka

Deskargatu