Ba al zenekien… gure kanal handienen kilometro bakoitzaren azpian, plastikozko 104.000 botila birziklatzen direla?
Gaur egun ahalik eta jasangarriena izatea gomendagarria izateaz gain, ezinbestekoa ere bada gure planetarentzat. ULMA Architecturalen arazoaren jakitun gara eta zuekin partekatu nahi ditugu gure enpresan hartzen diren neurriak:
- “Erretxin berdea” erabiltzen dugu gure kanalak egiteko.
Gure hormigoi polimeroaren %90 agregatuak dira eta %10 erretxina. %25 PET birziklatua duen erretxina gehitzen ari gara, hau da, ekoizteko plastikozko botila eta ontzi birziklatuak erabiltzen dira. Horrela, ekonomia zirkularrari mesede egiten diogu eta gure ozeanoetan amaitzen duten plastikoen kopurua murrizten laguntzen dugu. Horregatik diogu gure kanal handienen kilometro bakoitzaren azpian plastikozko 104.000 botila birziklatzen laguntzen dugula.
- Agregatuen hornitzaileak gertutasunagatik eta ingurumenarekiko duten kontzientziagatik aukeratzen ditugu.
- Guztiak gure plantatik 200 km baino gutxiagora daude, atmosferara isurtzen dugun CO2 kopurua murrizten laguntzeko.
- Agregatuak ateratzen dituzten lurra leheneratu egiten dute, lurra berriz jarrita eta erauzketa aurretik zeuden zuhaitz eta landare motak berriro landatuta.
- Ateratzen den harea zirkuitu itxian zirkulatzen duen urarekin garbitzen da, ondasun preziatua xahutzea saihestuta.
- Lurraren erabileraren inguruko legatu baikor eta arduratsua sortzen dute, arreta komunitatean jarrita.
- Gure saretek duten altzairu burdinurtuaren %60 material birziklatuarekin egiten da.
Ekimen hauek guztiak ULMA Taldeak argitaratu duen Jasangarritasun Sozialaren Memorian jaso dira, non negozio guztietan iraunkortasunaren inguruan egiten diren ekintza guztiak laburbiltzen diren. Gure planeta pixka bat garbiagoa egiteko gure hondar alea jartzen jarraitzea espero dugu.
