ULMAk Viktoria Köln futbol taldearen drainatzea optimizatu du MultiV+ 150 kanalekin

Futbola pasioa den herrialdeetan pentsatzen badugu, Alemania nabarmentzen da zalantzarik gabe. Gaur Viktoria Köln taldean zentratuko gara. Taldea 1904an sortu zen, eta historia aberatsa du. Urteetan zehar, hainbat fusio eta aldaketa izan ditu, eta Koloniako futbolaren oinarri gisa finkatu da.

Duela gutxi, klubak Sportpark Höhenbergen dituen instalazioak hobetu ditu, drainatze sistema optimizatzera bideratuta jokalarien eta zaleen segurtasuna eta erosotasuna bermatzeko. MultiV+ 150 kanaletako 120 metro lineal instalatu dira, %0,5eko maldarekin eta E600 karga ahalmenarekin, karga astunak eta baldintza zorrotzak jasateko aproposak.

Futbol zelai bat planifikatzen ari zara eta zelaian ur putzuak sortzea ekidin nahi duzu? Jarri gurekin harremanetan.

%0,5eko malda integratuta

Integratuta duen maldak ura azkarrago hustea ahalbidetzen du, eta bereziki erabilgarria da azalera lauetan, esaterako, futbol zelaietan. Ahalmen handiko sistema honek ur bolumen handiak eraginkortasunez kudeatzen ditu, eta ur putzuak sortzea saihesten du, arin eta seguru jokatu ahal izateko. Sendo eta kalitate handiko materialez eraikita dagoenez, bizitza baliagarri luzea izango du eta eguraldi txarraren eta erabilera intentsiboaren aurrean erresistentea izango da.

Gainera, burdinurtu nodularrezko saretek bideratzaileak dituzte, ura hartzea errazteko,eta gainazal irristagaitza ere bai. Sareta guztiek Rapidlock® finkapen sistema dute, instalazio erresistenteagoa, seguruagoa eta azkarragoa bermatzen duena.

Rapidlock®: finkapen azkar eta segurua

Rapidlock®, torlojurik gabe azkar finkatzeko sistema bat da, klik bat egin eta sareta kanalaren gorputzari azkar, seguru eta ia esfortzurik gabe lotu ahal izateko. Sistema honek hau ahalbidetzen du:

• Segundo batean sareta kanalean finkatzea.
• Tresna erabili beharrik gabe instalatzea.

Gure Ingeniaritza Bulegoaren eta Optimal Drain kalkulu hidraulikoko programaren babesarekin, drainatze sistemaren banaketa optimizatzen dugu, instalazio denborak eta horri lotutako kostuak murriztuta eta proiektu bakoitzerako irtenbide egokiena definituta.

Hobekuntza horiekin, FC Viktoria Köln taldeak bere instalazioen etengabeko hobekuntzarekin duen konpromisoa berresten du, futbolean aritzeko eta ikusleen esperientziarako ingurune seguru eta kalitate handikoa eskainiz.

Jiraka has dadila baloia!